Tesla kompaniyasi Model S Plaid Plus elektromobilini ishlab chiqarishni to‘xtatdi. Bu haqda Ilon Mask o‘zining Twitter’dagi sahifasiga yozib qoldirgan.
“Plaid + o‘z mavjudligini yakunladi. Plaid shundoq ham yaxshiligi sabab unga zarurat yo‘q”, — deb yozadi tadbirkor.
Shu bilan birga, Ilon Mask keyingi tvitida Model S Plaid Plus eng tezkor seriyali avtomobilga aylangan bo‘lishi mumkinligini qayd etgan.
https://twitter.com/elonmusk/status/1401641347040284679
“Soatiga 0 dan 60 mil tezlikka 2 soniyadan kamroq vaqt talab etiladi. Barcha turdagi seriyali avtomobillar orasida eng tezkori. Bunga ishonish uchun uni his qilish kerak edi”, — deydi Mask.
https://twitter.com/elonmusk/status/1401642134583791624
Model S Plaid Plus savdosi may oxirida to‘xtatilgan edi. Ishlab chiqarish avval boshida 2021-yilga mo‘ljallangan, keyinroq 2022-yilga ko‘chirilgan edi, endi esa butunlay to‘xtatib qo‘yildi. Mashina kompaniyaning eng qimmat mashinasiga aylanishi mumkin edi, Model S Plaid’ning bazaviy versiyasi 2013-yildan buyon ishlab chiqarilayotgan Model S o‘rnini egallashi kerak.
Model S Plaid Plus’ga 1100 ot kuchiga ega elektromotor o‘rnatilgan bo‘lib, mashina bir marta quvvatlanish orqali 837 kilometr yo‘l bosa oladi.
Izoh (0)