Samarqand shahrida Qozog‘istonning bosh konsulxonasi ish boshladi, deb xabar bermoqda viloyat hokimligi matbuot xizmati.
Bosh konsullikning ochilish marosimida Qozog‘istonning O‘zbekistondagi elchisi Darxan Satibaldi va Samarqand viloyati hokimi Erkinjon Turdimov ishtirok etdi.
Prezident Qosim-Jo‘mart To‘qayev Samarqandda Qozog‘iston bosh konsulxonasini ochish to‘g‘risidagi farmonni 2020-yilning sentabrida imzolagandi. Darxan Satibaldi 2019-yilning mart oyidan buyon Qozog‘istonning O‘zbekistondagi elchisi bo‘lib kelmoqda.
Ma’lumot uchun, O‘zbekiston bosh konsulxonasi Qozog‘istonning Aqtau shahrida joylashgan. U 2019-yilning 30-avgustida ochilgan. Aqtaudagi Bosh konsulxonaning konsullik okrugiga Qozog‘istonning Aqto‘be, Atirau, Mang‘istov va G‘arbiy Qozog‘iston viloyatlari kiradi. 2019-yil iyunida Nodir Turg‘unov O‘zbekistonning Aqtaudagi bosh konsuli etib tayinlangan.
Eslatib o‘tamiz 2021-yilning mart oyida Samarqandda Turkiyaning bosh konsulxonasi ochilgandi.
