Bugun,

  • USD 11095.31
  • RUB 173.84
  • EUR 10772.44

AQShda politsiyachi shifoxonaga yotqizilgan qora tanli erkakka o‘q uzdi. Tintuv jarayonida uning yonidan o‘qotar qurol topilgan va shundan keyin otishma boshlangan. Bu haqda Fox News xabar berdi.

Foto: Columbus police

Foto: Columbus police
27 yoshli afroamerikalik Maylz Jekson o‘zining mashinasida hushsiz holda topilgan va shifoxonaga keltirilgan. Shifokorlar Jeksonning hujjatlarini tekshirgach, uning oilaviy zo‘ravonlik hamda noqonuniy qurol saqlash ayblovlari bilan qidiruvda ekani ma’lum bo‘lgan va politsiyaga xabar berilgan.

Politsiyachilar tintuv chog‘ida Jeksonning yonidan o‘qotar qurol topgan. Keyingi voqealar tafsilotiga hali aniqlik kiritilmadi. Mahalliy politsiya boshqarmasining rasmiy xabariga ko‘ra, Jekson qonun himoyachilariga qarshilik ko‘rsatgan va ularga qarata o‘q uzgan. Boshqa versiyalarda Jeksonning politsiya zo‘ravonligi qurboniga aylangan bo‘lishi mumkinligi aytilmoqda.

Otishma Ogayo shtatining markazi — Kolambus shahrida sodir bo‘ldi. Bir necha o‘nlab mahalliy aholi politsiyadagi irqchilik xurujiga qarshi norozilik namoyishiga chiqdi. Ular mahalliy politsiya idorasini qamal qilib, u yerni bosib olishga urindi. Namoyishchilardan biri politsiyachilarga dubinka bilan hujum qilgani uchun hibsga olindi.

Ma’lumot uchun, AQShning Minnesota shtatidagi Bruklin-Senter shahrida yana bir qora tanli yigit politsiyachilar tomonidan hibsga olinish paytida o‘ldirildi. Shundan so‘ng shaharda norozilik namoyishlari boshlandi. Ma’lumotlarga ko‘ra, o‘ldirilgan yigit yigirma yoshli Daunt Rayt bo‘lgan. Politsiya xodimlari yo‘l harakati qoidalarini buzgani sababli uning mashinasini to‘xtatgan. Tekshiruv paytida politsiya ilgari Raytni hibsga olish to‘g‘risida order berilganini aniqladi. Qora tanli yigit yashirinishga uringach, politsiya uni otib tashladi.

Bundan avval 2020-yilning may oyida Minnesota shtatida qora tanli amerikalik Jorj Floyd politsiya tomonidan hibsga olinayotganda politsiyachi uni yerga yotqizib, tizzasi bilan uzoq vaqt bo‘ynini bosib turishi oqibatida o‘lgandi. Buning ortidan mamlakat bo‘ylab huquq-tartibot organlari shafqatsizligi va irqiy tengsizlikka qarshi ommaviy norozilik namoyishlari avj oldi va Black Lives Matter (“Qora tanlilarning hayoti muhim”) harakati paydo bo‘ldi. AQShda ushbu noroziliklar fonida tartibsizliklar boshlangan, politsiya va namoyishchilar o‘rtasida to‘qnashuv ham bo‘lgandi.

Izoh
Asosiy yangiliklar
Mahalliy
Nukus voqealari bo‘yicha uch nafar huquqni muhofaza qiluvchi organ xodimi qamoqqa olindi 
Sport
“PSJ” ketma-ket 2-mavsum Fransiya Kubogini erta tark etdi. Messi ushbu musobaqada birorta g‘alabaga erishmadi
Dunyo
G7 davlatlari Xitoy, Shimoliy Koreya va Eronga qarshi sanksiyalar tayyorlamoqda — Bloomberg