Yangi iPhone qurilmalari dizayn borasida o‘zidan oldingi avloddan keskin farq qilmaydi, biroq ayrim muhim o‘zgarishlar ham bor — ammo ularning aksar qismini kompaniya raqobatchilari amalga oshirib bo‘lgan, deb yozadi Hi-Tech.Mail.ru.

Foto: Hi-Tech.Mail.ru

Maks Vaynbax ismli taniqli insayder Apple iPhone 13 Pro va 13 Pro Max’lar uchun maxsus himoya qoplamasini yaratganini ma’lum qildi. Smartfonlarning shisha qopqog‘i barmoq izlarini to‘plamaydi, bu kabi qoplama yon tomonlardagi metall romda paydo bo‘lishi kutilmoqda.

Shu bilan birga, oddiy iPhone 13 va uning kichraytirilgan 13 Mini versiyasi (agarda kompaniya undan voz kechmasa) bu kabi qoplamaga ega bo‘lmaydi, korpusi alyuminiydan ishlanadi. Bu Apple uchun standart amaliyot: lineykadagi modellarni bazaviy va premium sinflarga ajratish.

Shuningdek, insayderning so‘zlariga ko‘ra, iPhone 13 Pro 120 gertsli yangilanish chastotasini qo‘llab-quvvatlaydigan ekranga ega bo‘ladi — u quvvatni tejash maqsadida optimal kadrlar chastotasini o‘zi tanlaydi. Bu kabi texnologiyani hozirda ko‘plab Android-smartfonlarda uchratish mumkin.

Avvalroq iPhone 13 2021-yilda taqdim etilmasligi, bu yilgi lineyka iPhone 12s nomini olishi mumkinligi to‘g‘risida xabar berilgandi.