Bugun,

  • USD 10940.05
  • RUB 182.26
  • EUR 11121.65

Poytaxtda Oliy va o‘rta maxsus ta’lim vazirligi hamda University of Tashkent for Applied Sciences mas’uliyati cheklangan jamiyatining nodavlat ta’lim xizmatlarini ko‘rsatuvchi Toshkent amaliy fanlar universiteti ochilishi kutilmoqda. Bu haqda hukumatning jamoatchilik muhokamasi uchun e’lon qilingan tegishli qarori loyihasida qayd etilgan.

Foto: “Daryo”

Foto: “Daryo”

Hujjatda aytilishicha, universitetning asosiy vazifasi O‘zbekiston oliy ta’lim dasturlari bilan birga dunyoning nufuzli xorijiy oliy ta’lim muassasalarining, jumladan, QS World University Rankings va The Times Higher Education World University Rankings reytingidagi dunyoning 1000 talikka kiruvchi Grinvich universiteti, Markaziy Lankashir universiteti (Buyuk Britaniya) hamda boshqa yetakchi xorijiy oliy ta’lim muassasalarining ta’lim dasturlarini joriy etish, ularning malakali professor-o‘qituvchilari, olim va mutaxassislarini o‘quv jarayoniga jalb qilishdir.

Universitetda ta’lim faoliyati 2021/2022-o‘quv yilidan boshlanadi va o‘qish amalda mavjud ta’lim shakllari hamda o‘zbek, rus va ingliz tillarida amalga oshiriladi.

Ushbu OTMda dastlabki bosqichda talabalar Biznes axborot tizimlari, Biznes boshqaruvi, Axborot xavfsizligi hamda Elektron tijorat bakalavriat ta’lim yo‘nalishlari bo‘yicha qabul qilinadi.

Ta’lim olish to‘lov-kontrakt asosida, shuningdek, yuridik shaxslar — potensial ish beruvchilar tomonidan taqdim etiladigan ta’lim grantlari, shuningdek, yoshlarni o‘qitish uchun ajratiladigan yuridik va jismoniy shaxslarning homiylik xayriyalari hamda qonun hujjatlarida taqiqlanmagan boshqa manbalar hisobiga amalga oshiriladi.

Universitetda ta’lim zamonaviy ta’lim texnologiyalaridan foydalangan holda kunduzgi, sirtqi, maxsus sirtqi, kechki va masofaviy ta’lim shakllarida olib boriladi.

Bitiruvchilarga O‘zbekistonning oliy ma’lumot to‘g‘risidagi davlat namunasidagi diplomi beriladi.

Eslatib o‘tamiz, oliy ta’lim sohasida sog‘lom raqobat muhitini shakllantirish, oliy ta’lim bilan qamrab olish darajasini oshirish maqsadida O‘zbekistonning har bir hududida 2021-yil 1-sentabrgacha kamida bittadan nodavlat OTM ochilishi ma’lum qilingan.

Avvalroq Toshkentda Yaponiya raqamli universiteti tashkil etilishi, poytaxtda Sankt-Peterburg davlat universiteti filiali ochilishi haqida xabar berilgan edi.

Izoh
Asosiy yangiliklar
Dunyo
Irlandiyadagi qamoqxonada “buyuk qochish”, sakkiz soatli ish rejimini qo‘llagan Genri Ford va qon quyish bo‘yicha birinchi muvaffaqiyatli amaliyot. Kun xronologiya...
Mahalliy
“Afg‘oniston iqtisodiyotini tiklash xalqaro hamjamiyatning umumiy ustuvor yo‘nalishi bo‘lishi kerak” — Vladimir Norov
Mahalliy
Foto: Dubay—Namangan—Dubay yo‘nalishida muntazam aviaqatnovlar yo‘lga qo‘yildi