Bugun,

  • USD 11095.31
  • RUB 173.84
  • EUR 10772.44

Portugaliyada prezident saylovlari bo‘lib o‘tdi, unda mamlakatning amaldagi prezidenti Marselu Rebelu de Souza g‘olib bo‘ldi, deb yozadi “RBK”.

Foto: AP Photo

Foto: AP Photo

Toshkent vaqti bilan 25-yanvar 07:30 holatiga ovozlarning 99,9 foizi hisoblab chiqilgan edi. De Souza bu bosqichda 60,7 foiz ovoz to‘plagan. Ikkinchi o‘rinda Sotsialistik partiyadan nomzod Ana Gomesh (12,9%), uchinchi o‘rinda — o‘ta o‘ng “Yetar!” (Chega) partiyasi yetakchisi Andre Ventura. Qolgan nomzodlar 5 foizdan kam ovoz to‘pladi.

Saylovga saylovchilarning 39,4 foizi kelgan.

Saylov yakunlari ma’lum bo‘lgach, de Souza nutq so‘zlab, portugaliyaliklar iloji boricha tezroq koronavirus pandemiyasini yengishni, ishchi o‘rinlarni va daromadlarni qayta tiklashni, nochorlikka qarshi kurashishni, shuningdek, kuchli va ishonchga loyiq rahbariyat ostidagi barqaror siyosiy tizimga ega bo‘lishni istashini aytdi.

U pandemiyaga qarshi kurashni bugungi kundagi eng muhim vazifa deb atadi. “Biz sog‘liqni saqlash tuzilmalarimizga jiddiy bosim o‘tkazayotgan jarayonni to‘xtatish, so‘ng uni ortga qaytarish uchun qo‘limizdan kelgan barcha narsani qilishimiz kerak”, — deya qo‘shimcha qildi prezident.

Saylovlar Portugaliyada koronavirus bilan bog‘liq vaziyat yomonlashgan bir paytda bo‘lib o‘tdi. Mamlakatda 15-yanvardan yana kuchli karantin joriy qilindi, xuddi bahordagi kabi choralar amaliyotga kiritildi. Choralar har 15 kunda qayta ko‘rib chiqilishi kerak, ammo bosh vazir Antoniu Koshta ular bir oy amal qilishi mumkinligini bildirdi.

Aholisi 10 milliondan ko‘p bo‘lgan respublikada jami 625 mingga yaqin odam koronavirusga chalingan, 10,1 mingdan ziyod bemor vafot etgan.

Saylov arafasida mamlakatda kasallanish holatlari, shuningdek, virusdan o‘lim bo‘yicha sutkalik antirekord qayd etilgandi. Shu munosabat bilan Portugaliya saylovlarning xavfsiz o‘tkazilishini kafolatlashga harakat qildi.

Yanvar boshida de Souza koronavirusga chalingani ma’lum bo‘lgan edi.

Marselu Rebelu de Souza yuridik ta’lim olgan, huquqshunos, so‘ng jurnalist bo‘lib ishlagan. 1974-yilda Sotsial-demokratik partiyaga qo‘shilgan. 1981-yilda vazirlar kengashi davlat kotibi bo‘lgan, so‘ng parlament bilan hamkorlik masalalari bo‘yicha vazir bo‘lgan.

U 2016-yildagi saylovlarda o‘z nomzodini qo‘yib, 52 foiz natija bilan g‘olib chiqqan.

Izoh
Asosiy yangiliklar
Dunyo
Turkiya Finlyandiya va Shvetsiyaning NATOga kirish haqidagi arizalarni alohida-alohida ko‘rib chiqishi mumkin
Mahalliy
O‘zbekistonda dollar kursi pastladi 
Mahalliy
Shavkat Mirziyoyev Islom Karimov haykali poyiga gul qo‘ydi