Amerikaning Moderna kompaniyasi COVID-19 koronavirusiga qarshi o‘spirinlar ishtirokida emlashning ikkinchi bosqichini boshladi, deb xabar bermoqda “Interfaks” The Guardian’ga tayanib.
OAV xabarlariga ko‘ra, sinovda ishtirok etayotganlarning birinchi guruhi vaksinatsiyadan o‘tgan. Sinovda 12 yoshdan 18 yoshgacha bo‘lgan o‘spirinlar ishtirok etmoqda.
Unda jami 3 ming nafar sog‘lom kishilar ishtirok etadi, ularga 28 kunlik oraliq bilan ikki dozalik vaksina qilinadi. Kompaniya natijalarni 2021-o‘quv yili boshlanishidan oldin olishiga umid qilmoqda.
Moderna kompaniyasi vaksinasi ikki dozadan iborat. Ikkinchi inyeksiya birinchisidan 28 kun o‘tgach qilinadi.
1-dekabr kuni Moderna AQSh Oziq-ovqat mahsulotlari va dori vositalarining Sanitar nazorati boshqarmasiga (FDA) koronavirus vaksinasidan favqulodda foydalanish uchun ariza yuborganini e’lon qilgandi. Avvalroq uning samaradorligi dastlabki tahlilda 94,1 foiz, kasallikning og‘ir shaklida esa 100 foiz samaradorlik ko‘rsatgani ma’lum qilingandi.
Favqulodda foydalanish uchun ariza berish bu — organizmga ta’siri bo‘yicha tekshiruvlar natijasini kutmasdan, dori vositalaridan foydalanishni boshlash to‘g‘risidagi so‘rov. Mavzuga doir:
