Kanada poytaxtida haydovchisiz boshqariladigan EX10 avtobuslari harakatlanadigan marshrut sinov tariqasida ishga tushirildi. Sinovlar noyabr oyining o‘rtalariga qadar davom etadi, deb xabar beradi “Korrespondent.net”.
Ta’kidlanishicha, loyihani EasyMile kompaniyasi Ontario provinsiyasida avtomatlashtirilgan transportlarning sinov dasturi doirasida yaratgan. Uning amalga oshirilishini qator ixtisoslashgan korxonalar, Ottava ma’muriyati va Ontario Transport vazirligi nazorat qiladi.
Avtobus harakatlanadigan marshrut uzunligi 1,5 kilometrni tashkil etadi. Avtobuslar to‘rtta bekatda to‘xtaydi. Biroq koronavirus epidemiyasi sabab yo‘lovchilar sifatida faqatgina loyiha ishtirokchilaridan foydalanilmoqda.
Bundan tashqari, uning salonida haydovchi ham bo‘lib, u favqulodda holatlarda boshqaruvni o‘z qo‘liga oladi.
Bu kabi sinovlarni o‘tkazishdan maqsad — haydovchisiz avtobuslar haqiqiy yo‘l sharoitida qanday ishlashini ko‘rsatib berish, akkumulyatordan foydalanish samaradorligini tahlil qilish va imkoniyati cheklangan odamlarning foydalanishi uchun imkoniyat yaratish.
Avvalroq Huawei’ning haydovchisiz boshqariladigan mashinasi Tailand hukumatiga koronavirusga qarshi kurashda yordam bergani to‘g‘risida ma’lum qilingandi. Mavzuga doir:
