Toshkent shahridagi bekat hududida joylashgan do‘konda yong‘in sodir bo‘ldi. Bu haqda Favqulodda vaziyatlar vazirligining matbuot xizmati xabar bergan.
Unga ko‘ra, hodisa 7-noyabr kuni Shayxontohur tumanidagi Furqat ko‘chasida yuz bergan. Soat 09:46 da avtobus bekati hududida joylashgan do‘kon alanga ichida qolgan. Toshkent shahar Favqulodda vaziyatlar boshqarmasining yong‘in-qutqaruv guruhlari voqea joyiga yetib borib, soat 09:56 da yong‘inni to‘liq bartaraf qilgan.
Hodisa oqibatida qurbon bo‘lganlar va jarohatlanganlar yo‘q, yong‘in sababi mutaxassislar tomonidan aniqlanmoqda, deyiladi FVV axborotida.
Avval Tashkent City hududida qurilayotgan binolarning birida yong‘in yuz bergani, Buxoro viloyati Kogon shahridagi masjidda yong‘in sodir bo‘lgani,Samarqanddagi konserva zavodi yonib ketgani haqida xabarlar berilgan.
Izoh (0)