Vitaliy Klichko Ukraina poytaxti Kiyev shahri meri etib qaytadan saylandi. U saylovning birinchi turida 50,52 foiz yoki 365 161 ta ovoz to‘plagan. Bu haqda “Interfaks” xabar berdi.
Saylovda Vitaliy Klichko “Udar” partiyasidan ishtirok etgan, uning asosiy raqibi “Golos” partiyasidan Sergey Pritula bo‘lgan. Saylovda nomzod sifatida jami 17 kishi qatnashgan. Ovoz berish 25-oktabr kuni bo‘lib o‘tgan.
Sobiq bokschi Vitaliy Klichko birinchi marta 2014-yilda Kiyev shahri meri etib saylangandi.
