Ispaniya parlamenti hukumatning mamlakatda 2021-yilning 9-mayigacha favqulodda holat rejimini joriy qilish haqidagi taklifini ma’qulladi. Bu haqda “Korrespondent.net” xabar berdi.
Dastlab parlamentdagi ba’zi fraksiyalar qarorga qarshi chiqqan, chunki ular mazkur qaror ustidan nazorat uchun yetarli vositalar mavjud emas, deb hisoblagan.
Yakunda deputatlar qarorni qo‘llab-quvvatlagan hamda unga bosh vazir Pedro Sanchesning har ikki oyda vaziyat haqida hisobot berish majburiyatini qo‘shgan.
Bundan tashqari, qarorga favqulodda holatni 9-mart kuni bekor qilishni ko‘rib chiqish imkoniyati qo‘shilgan.
Eslatib o‘tamiz, Ispaniyada favqulodda holat tartibi 25-oktabr oqshomidan boshlab kuchga kirgandi.
Avvalroq koronavirus bilan bog‘liq vaziyat sababli Chexiya, Sloveniya, Daniyada bir qator cheklovlar joriy qilingani haqida xabarlar berilgandi. Germaniyada esa 2-noyabrdan boshlab qaytdan karantin joriy qilinadi. Shveysariyada karantin cheklovlari kuchaytirildi. Ukrainada esa favqulodda holat rejimi uzaytirildi.
Izoh (0)