O‘zbekistonda yana ikkita xususiy bandlik agentligi litsenziyasi bekor qilindi, deb xabar bermoqda “Kun.uz” Bandlik va mehnat munosabatlari vazirligi ma’lumotlariga tayanib.
Vazirlik xabariga ko‘ra, 13—14-oktabr kunlari O‘zbekistondan tashqarida ish izlayotgan shaxslarni ishga joylashtirish uchun Adiba travel and work va Good Work xususiy bandlik agentliklariga berilgan litsenziyalar ularning o‘z arizalariga binoan bekor qilindi.
Good Work XBAning litsenziyasi shu yil mart oyida vaqtincha — 10 ish kuniga to‘xtatib qo‘yilgan, bunga agentlik ustidan shikoyat arizalari kelib tushgani sabab bo‘lgandi.
Shu tariqa, O‘zbekistonda so‘nggi 18 oy ichida litsenziyasi bekor qilingan xususiy bandlik agentliklari soni 50 taga yetdi. XBAlar reyestriga jami 103 ta agentlik kiritilgan bo‘lib, ayni paytda ulardan 25 tasi litsenziyaga ega.
Avgust oyida litsenziyasi bekor qilingan XBAlardan 21 tasi faoliyatini tashkil qila olmay, litsenziyasini topshirgan, 11 tasi esa qonunchilikni turli shaklda buzgani ma’lum qilingandi.
Ma’lumot uchun, O‘zbekistonda xususiy bandlik agentliklari faoliyatiga bundan ikki yil oldin — 2018-yil 15-oktabrda qabul qilingan qonun asosida ruxsat berilgandi. 2020-yil avgustida bu qonunga tuzatishlar kiritildi.
Mavzuga doir:
- Toshkentda 1100 dan ortiq fuqaroni 6,2 mlrd so‘mga chuv tushirgan xususiy bandlik agentligining kirdikorlari fosh qilindi
- Fuqarolarni Koreyada ishlashga jo‘natishni va’da qilgan agentlikdan jabr ko‘rganlarning pullarini qaytarish boshlandi
- Samarqandda xorijga ishga jo‘natish bahonasida 300 dan ortiq odamni chuv tushirgan “Amilee Bahora” xususiy bandlik agentligi rahbarlariga sud hukmi o‘qildi
Izoh (0)