Avstraliyada Arnold ismli veymaraner it yashaydi. U unga kuchukchaligida ovcharka it hujum qilgan. O‘shandan buyon it boshqa itlardan, ayniqsa, katta itlardan qo‘rqadi. Bu haqda Metro gazetasi ma’lum qildi.
Uning egasi Kerolin Manalis uy hayvoni bilan muloqot qilish uchun yordam kerak deb qaror qildi va o‘ziga yana bir Frenk ismli taksani sotib oldi. Frenk Arnolddan 30 kilogrammga kichikroq. Manalis Frenk Arnoldni psixologik qo‘llab-quvvatlayotganiga ishonchi komil.
Uning so‘zlariga ko‘ra, ularning ikkisi do‘stga aylangan. Shu orqali Arnold o‘ziga bo‘lgan ishonchini tikladi, endi u tashqi hujumdan qo‘rqmaydi, o‘ynab-zavqlanadi.
“Kichkina do‘sti bilan o‘ynash Arnold uchun eng yaxshi terapiya edi. Arnold o‘zining do‘sti taksa uchun ota-onalik vazifasini bo‘yniga olgan”, − deydi ayol.
Manalisning fikriga ko‘ra, Frenk Arnoldni o‘zining otasi deb biladi. “Frenk Arnoldning hamma ishlarini takrorlaydi, agar Arnold ovoz chiqarib yuborsa, Frenk darhol unga taqlid qiladi, xuddi to‘tiqush kabi. Arnold Frenkka o‘zini uyda qanday tutish kerakligini, mehmonlarga hurish, to‘pni quvish, yurish, o‘tirish, bo‘yinga tasma taqish va yo‘lni kesib o‘tishdan oldin kutishni o‘rgatdi. Arnold qayerga borsa, Frenk ham unga ergashadi. Ular bir-birlarini juda yaxshi ko‘radi va qo‘llab-quvvatlaydi!” – deydi Manalis.
Shuningdek, agar itlardan biri g‘ingshisa, ikkinchisi do‘stining ahvolini darrov tekshiradi. “Ularning bir-biriga bo‘lgan mehri va kattaligi naslidan qat’i nazar mustahkamdir”, deb xulosa qildi itlarning egasi.
Mavzuga doir:
Izoh (0)