Toshkentda Gentra avtomobili benzin quyib yoqib yuborildi. Bu haqda poytaxt IIBB matbuot xizmati xabar berdi.
2020-yil 19-sentabr kuni soat 04:10 da Uchtepa tumani IIO FMB navbatchilik qismiga kelib tushgan xabarga ko‘ra, 11-kvartalda 19 yoshli Qashqadaryo viloyatidan bo‘lgan Sitora G. tomonidan 23 yoshli qashqadaryolik Asilbek N.ga tegishli bo‘lgan Lacetti Gentra avtomobil yoqib yuborilgan.
Tergovoldi tekshiruvlari davomida aniqlanishicha, Toshkent shahrining Uchtepa tumanida vaqtinchalik yashovchi Sitora G. va jabrlanuvchi o‘rtasida ma’lum vaqt muhabbat bo‘lgan. Asilbek keyinchalik Sitoraga uylanishini va’da qilgan, ammo va’dasida turmagan. Umidsizlikda qolgan qiz yigitning avtomobiliga ichidan va tashqarisidan benzin quyib, yoqib yuborgan.
Xabarda aytilishicha, ayni paytda hodisa tafsilotlari o‘rganilmoqda. Mavzuga doir:- Farg‘onada unashtiruvi bekor qilingan yigit sevgan qizining uyini yoqib yubordi (video)
- Namanganda sevishgan yoshlar ota-onasini qo‘rqitib qo‘yish maqsadida bir-biriga pichoq tiqdi. Oqibatda qiz shifoxonada vafot etdi
- Toshkentda sevgan qizi bilan urishib qolgan yigit mast holda ko‘chada yalang‘och yurdi (video)
- Toshkent tumanida Malibu-2’ni yoqib yuborgan ayol qo‘lga olindi
