Jizzax avtomobil zavodi Volkswagen Caddy transport mashinalari bazasidagi tez tibbiy yordam avtomobillarining navbatdagi partiyasini Samarqand viloyat sog‘liqni saqlash boshqarmasiga va “O‘zbekiston temiryo‘llari” AJga taqdim etdi. Bu haqda “O‘zavtosanoat” axborot xizmati xabar qildi.
Qayd etilishicha, yangi tez tibbiy avtomobillari Turin Invest Engineering kompaniyasi mutaxassislari tomonidan jihozlangan va pandemiya davrida aholiga xizmat ko‘rsatishga mo‘ljallangan.
Avtomobillar O‘zbekiston Sog‘liqni saqlash vazirligi talablariga muvofiq barcha kerakli jihozlar bilan ta’minlangani ma’lum qilingan.
