Belarus prezidenti Aleksandr Lukashenko unga atayin koronavirus infeksiyasi yuqtirilgan deb hisoblashini ma’lum qildi. U bu haqda ukrainalik jurnalist Dmitriy Gordonga bergan intervyusida aytib o‘tgan.

Foto: “Reform.by”

“Koronavirus menga yuqtirildi. Ayni vaqtda bu borada tergov olib borilmoqda”, – degan Lukashenko Gordonga bergan intervyusida.

Minskdagi intervyuni yozib olishda qatnashgan “Gordon” nashri bosh muharriri Alesya Batsman Lukashenkoning ushbu gaplarni gapirganini tasdiqladi.

28-iyulda Belarus prezidenti koronavirus yuqtirib olganini bildirgan, lekin kasallikni oyoqda o‘tkazib yengib o‘tganini aytgan.

"Bugun siz koronavirusni oyoqda yurib yengib o‘tgan odamning qarshisida turibsiz. Kecha shifokorlar menda COVID-19’ning simptomsiz shakli menda kuzatilganini aytishdi”, – degan u.

Lukashenko intervyu vaqtida koronavirus infeksiyasining belgisiz shakliga chalinib tuzalganidan xursandligini aytgan.

“Avval aytib o‘tganimdek Belarus aholsining 97 foizi ushbu kasallikni belgisiz shakliga chalinib tuzaladi. Men ham infeksiyaning alomatsiz shakliga chalinib, tuzaldim. Vanihoyat ushbu virusni yengdim va Belarusning oltin fondiga kirdim”, – degan Lukashenko.

Intervyu vaqtida Lukashenko qachon COVID-19’ga chalingani va undan tuzalganiga aniqlik kiritilmagan.

Avval Aleksandr Lukashenko Belarusning COVID-19 koronavirus epidemiyasini yengib o‘tganini ma’lum qilgandi.