O‘zbekiston Prezidenti Shavkat Mirziyoyev raisligida 16-iyun, seshanba kuni xizmat ko‘rsatish va ichki turizm sohalarini rivojlantirish masalalari bo‘yicha videoselektor yig‘ilishi o‘tkazildi. Bu haqda Prezident matbuot xizmati xabar berdi.
Mavzuga doir: O‘zbekistonda xizmat ko‘rsatish sohasini rivojlantirish uchun 1 trln so‘mdan ziyod kredit mablag‘lari ajratiladi
Buning uchun har bir hududda imkoniyat ham, sayohatchilar diqqatiga sazovor joylar ham yetarli ekani qayd etildi. Misol uchun, Yangiqo‘rg‘on tumanida 16 ta dam olish maskanini tiklash hisobiga 1500 aholini, Bo‘stonliqda 10 ming o‘ringa mo‘ljallangan ko‘chma dam olish maskanlari tashkil etish orqali 8 mingga yaqin kishini ish bilan ta’minlash mumkin.Mavzuga doir: Namanganda bir haftada 70 dan ortiq oilaviy mehmon uyi ro‘yxatga olindi
Qayd etilishicha, O‘zbekistonning qadimiy shaharlaridagi sayyohlik imkoniyatlaridan ham to‘la foydalanilmayapti. Xalq orasida ularni bilmaydiganlar, ko‘rmaganlar hali ko‘p.
Turizmni rivojlantirish davlat qo‘mitasiga vazirlik, idoralar va hokimliklar bilan birga yangi ichki turizm marshrutlari ochish, ko‘chma dam olish maskanlarini ko‘paytirish, tibbiyot va sog‘lomlashtirish turizmini taraqqiy ettirish bo‘yicha ko‘rsatmalar berildi.
Hokimlar va sektor rahbarlariga sayyohlar boradigan barcha obyektlar, mehmonxona va ovqatlanish shoxobchalarida karantin qoidalariga qat’iy amal qilinishini ta’minlash yuklatildi.
Eshlatib o‘tamiz, O‘zbekistonda 1-iyundan “yashil” va “sariq” hududlarda ichki turizm o‘z faoliyatini qayta boshladi. Shuningdek, turizm sohasiga bir qator imtiyozlar va imkoniyatlar taqdim etildi.Mavzuga doir: O‘zbekistonda turizmning tiklanishi uch bosqichda amalga oshiriladi
