Iftorlik uchun turkcha tansiq taom — pishloq va tuxumli pide tayyorlaymiz

Turk oshxonasining tuxum va pishloq qo‘shib tayyorlanadigan bu taomi har kuni o‘xshash yegulik tayyorlashdan charchaganlar uchun ayni muddao.

Pide tayyorlash uchun quyidagi mahsulotlar kerak bo‘ladi:

• Tuxum
• Smetana — 2 osh qoshiq
• O‘simlik yog‘i — 3 osh qoshiq
• Iliq suv — 250 ml
• Xamirturush — 11 gr
• Un — 500 gr
• Shakar — 3 choy qoshiq
• Pishloq — 100 gr
• Tomat pastasi — 2 osh qoshiq
• Tuz — ta’​bga ko‘ra
• Pide ustiga tuxumdan tashqari, qiyma, tovuq, kolbasa qo‘shish mumkin.

Tayyorlanish jarayoni:

• Ikkita tuxumni chaqib, smetana va o‘simlik yog‘i bilan aralashtiring.
• Aralashmaga iliq suv, xamirturush, 3 choy qoshiq shakar va ta’bga ko‘ra tuz, 500 gr un qo‘shib xamir qoring.
• Idishga xamir yopishib qolmasligi uchun yog‘​ surting va xamirni 30-40 daqiqa tindirgani iliq joyga qo‘ying.

Xamirdan ikkita yaxlit yoki kichikroq o‘n ikkita pide chiqarish mumkin.

• Xamirni 12 bo‘lakka bo‘lib, bo‘laklarni jo‘va yordamida yoying.
• Bo‘laklarni qo‘lingiz bilan suratdagi singari qayiqcha shakliga keltiring.
• Xamirga tomat pastasini surting.
• Pishloqni qirg‘ichdan chiqaring va xamir ustiga soling.
• Har bir pide ustiga bittadan tuxum chaqing.
• Pidelarni listga terib, qizigan pechda 200 daraja issiqlikda pishiring.

Yoqimli ishtaha!