O‘zbek musiqa va kino olami vakillari instagram’da juda ham faol harakat qilishadi. Bugungi kunda ularni Instagram tarmog‘ida millionlab muxlislar kuzatib borishadi. Biz ushbu tarmoqdagi eng ko‘p obunachiga ega o‘zbek shou-biznes yulduzlarni e’tiboringizga havola etamiz.

Bugungi kunda o‘zbek shou-biznesida eng ko‘p obunachi Shahzodada bo‘lib, uni Instagram’da 4 million follover kuzatadi.

Foto: Instagram / @shahzodasinger

Ikkinchi o‘rinni xonanda va aktrisa Munisa Rizayeva band qilgan bo‘lib, uni tarmoqda 3,8 million kishi kuzatadi.

Foto: Instagram / @munisarizaeva

Munisa Rizayevadan keyingi o‘rinni uning hamkasbi O‘zbekistonda xizmat ko‘rsatgan artist Rayhon G‘aniyeva egallagan. Uni ushbu tarmoqda 3,2 million kuzatuvchisi bor.

Foto: Instagram / @rayhonganieva

Aktrisa, dizayner va boshlovchi Shahzoda Muhammedova Instagram tarmog‘ida juda ham faol, ushbu faollik uni 2,9 million obunachi yig‘ishiga sabab bo‘lgan bo‘lsa ajab emas. U ushbu reytingda to‘rtinchi o‘rinda.

Foto: Instagram / @shaxzoda__muxammedova

Shahzoda Muhammedovadan keyingi pog‘onani aktrisa Asal Shodiyeva 2,5 million kuzatuvchisi bilan band qilib turibdi.

Foto: Instagram / @asalshodieva

Asal Shodiyevaning eri, xonanda va aktyor Shohruhxonni Instagram olamida Asal Shodiyevadan 100 000 kam obunachi kuzatadi. Xonandalar Shohruhxon, Nilufar Usmonova hamda Lola 2,4 million kuzatuvchiga ega bo‘lib, ular bu reytingda oltinchi, yettinchi va sakkizchi o‘rinni bo‘lishib turmoqda.

Foto: Instagram / @_shohruhhon_

Foto: Instagram / @nilufarusmonova

Foto: Instagram / @lolaofficial_

O‘zbekistonda xizmat ko‘rsatgan artist Ulug‘bek Rahmatullayev hamda aktrisa Muqaddas Sa’dullayeva ham bu borada bir xil natijani qayd qilishgan. Ular Instagram’da 2,3 million folloverga ega. Ushbu reytingda to‘qqizinchi va o‘ninchi o‘rinlarda bormoqda.

Foto: Instagram / @ulugbekrahmatullayev

“Million” kulgi jamoasining sardori Davron Kabulovni o‘zbek 2,2 million kishi kuzatadi. U o‘zbek boshlovchilari orasida bunday natijani qayd etgan yagona shoumen. Reytingda esa o‘n birinchi o‘rinda.

Foto: Instagram / @davron_kabulov

Aktrisa Shahzoda Matchonova hamda qiziqchi Halimaxonimni Instagram’da 2,1 million obunachisi bor. Ular reytingda hozircha o‘n ikkinchi va o‘n uchinchi o‘rinlarni bo‘lishib turibdi.

Foto: Instagram / @shahzodamatchonova

Foto: Instagram / @xalimaxonim

Xonanda Manzura hamda aktrisa Durdona Qurbonova ushbu reytinda 14 va 15-o‘rinni band qildi. Buning uchun ularga 2 million obunachi kerak bo‘ldi.

Foto: Instagram / @manzurasinger

Foto: Instagram / @durdona_kurbanova