“Barselona” klubi “Inter” hujumchisi Lautaro Martinesni sotib olish fikridan qaytgani yo‘q.
Italiyalik jurnalist Nikolo Skiraning xabar qilishicha, kataloniyaliklar 22 yoshli futbolchi uchun 70 million yevro bilan birgalikda yarim himoyachi Arturo Vidal va himoyachi Nelson Semeduni taklif qilgan. Biroq milanliklar bu taklifga rad javobini bergan.
Argentinalik futbolchining shartnomasida 111 million yevro tovon puli haqidagi band bor va u 2020-yilning yozidan boshlab amalda bo‘ladi. “Inter” hujumchini ushbu miqdordan kamiga qo‘yib yubormoqchi emas.
“Barselona” Lautaroning o‘ziga yiliga 10 millio yevro maosh berishga tayyor.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)