Yakkabog‘ tumanida fermer ishchisi unga qarshilik ko‘rsatgan ayollar ustiga kerosin sepib, yoqib yuborishga urindi, deb xabar bermoqda “Muxbir.uz” Telegram kanali.

Videoda ayollar qo‘lida yelim idishi bo‘lgan shaxsga tashlangan, u esa idishdagi noma’lum suyuqlikni qarshilik ko‘rsatgan ayollar ustiga sepgan. Ayollar tayoq bilan urishga urinadi.

Ma’lum bo‘lishicha, tumandagi qishloqlarning birida 7 gektar bog‘ o‘rniga intensiv bog‘ yaratmoqchi bo‘lgan fermer hosil berib turgan olma daraxtlarini kesib tashlamoqda. “Shu paytgacha 7 gektar bog‘ning 5 gektaridagi 1500 ta mevali daraxt kesib tashlangan”, — deyiladi xabarda.

Avvalroq qashqadaryolik tadbirkor Bahridin Isamovning do‘konini buzmoqchi bo‘lgan hokimning “snos”lar bo‘yicha o‘rinbosari Mansur Tuymayevni tadbirkor yoqib yuborgani haqda xabar berilgandi. Bunga Mansur Tuymayevning 30 ga yaqin do‘konni buzib, kompensatsiya to‘lamagani sabab bo‘lgani aytilgandi. Voqeadan ko‘p o‘tmay Bahriddin Isamov qamoqqa olingandi. 2019-yil 29-avgust kuni tadbirkor qamoqdan ozod qilingani ma’lum bo‘lgandi. 18-oktabr  kuni esa Mansur Tuymayev va tadbirkor Bahriddin Isamovga nisbatan jinoyat ishini ko‘rib chiqish bo‘yicha sud jarayoni nihoyasiga yetib, Bahriddin Isamovga 2 yil ozodlikni cheklash jazosi tayinlandi. Mansur Tuymayevga nisbatan esa 1 yil mansabdorlik va moddiy javobgarlik vazifalarida ishlash huquqidan mahrum qilgan holda eng kam oylik ish haqining 510 baravari miqdorida, ya’ni 103 392 300 so‘m jarima jazosi tayinlangandi.