Bugun,

  • USD 11095.31
  • RUB 173.84
  • EUR 10772.44

Janubiy Koreyada koronavirus bilan kasallangan 24-bemor qayd etildi, deb xabar berdi “RIA Novosti” mamlakat Sog‘liqni saqlash vazirligi ma’lumotlariga asoslanib.

Foto: EPA

Foto: EPA

Janubiy Koreya hukumati 6-fevral kuni koronavirus bilan kasallanishning yana beshta holati haqida ma’lumot berdi, shu tarzda o‘sha kuni mamlakatda ushbu infeksiyani yuqtirganlar soni 23 nafarni tashkil etgan edi. Ulardan to‘qqiz nafari virusni insondan yuqtirgan. Ikki kishi kasallikdan tuzalgan va ularga uyga javob berilgan.

Yana 264 kishi tekshiruvdan o‘tkazilmoqda, 1 235 kishi kasallar bilan aloqada bo‘lgani uchun karantin ostida saqlanmoqda.

Qayd etilishicha, Xitoy, Gonkong yoki Makaoga borib qaytgan 920 nafar harbiy xizmatchi ham uylarida yoki harbiy qismlarda karantinda saqlanmoqda.

Koronavirus bilan kasallanishga oid 24-holat Uxandan evakuatsiya qilingan fuqaroda aniqlangan. 28 yoshli Janubiy Koreya fuqarosi tana harorati yuqoriligi uchun tekshiruvga jo‘natilgan fuqarolar orasida bo‘lmagan.

Unda kasallik alomatlari Asandagi vaqtincha yashash markazida kuzatilgan. Tomog‘ida og‘riq his qilganidan keyin bemor tekshirilganida, unda koronavirus aniqlangan. Endi u markaziy davlat tibbiyot markaziga joylashtirilgan.

Bunga qadar Asanda xuddi shunga o‘xshash holatda 13-kasallanish qayd etilgandi. Bemor Uxandan evakuatsiya qilingan 368 kishining orasida bo‘lgan. Unda ham kasallik alomatlari karantin ostiga olinganidan keyin kuzatilgan.

Avvalroq Janubiy Koreyada koronavirusdan tuzalgan ilk bemorga uyga javob berilishi haqida xabar berilgan edi.

Ma’lumot uchun, Xitoyda koronavirusdan vafot etganlar soni 636 kishiga yetdi. Mamlakatda umumiy hisobda 31 161 ta kasallanish holati qayd etildi.

Izoh
Asosiy yangiliklar
Mahalliy
Yangiyo‘lda kanalda cho‘kib ketgan 16 yoshli bolaning jasadi bir kun o‘tib topildi  — FVV
Mahalliy
Andijonda harakatlanib ketayotgan Matiz to‘liq yonib ketdi
Kitob
“Shayton kitob timsolida hayotimga kirib kelgan va barcha narsani o‘ziniki qilib olgan edi…” “Qora kitob” asari haqida