Tojikistonlik mehnat muhojirlari 2019-yilda Rossiyadan o‘z yurtiga 3 milliard dollarga yaqin pul yubordi. Bu haqda Rossiyaning Tojikistondagi elchisi Igor Lyakin-Frolovga tayanib, Sputnik xabar berdi.
Elchining so‘zlariga ko‘ra, bir millionga yaqin tojikistonlik doimiy ravishda Rossiyada mehnat qiladi, 2019-yilda esa o‘tkazilgan mablag‘ 3 milliard dollarga yetgan.
2018-yilda ushbu ko‘rsatkich 2,5 milliard dollar pul o‘tkazmalari amalga oshirilgan edi. 2019-yilda Tojikistonning davlat budjeti 2,5 millard dollarni tashkil etgan, ya’ni muhojirlardan keladigan mablag‘ mamlakat budjetidan ko‘proq.
“Mazkur o‘tkazmalar Tojikiston iqtisodiyoti uchun ijobiy rol o‘ynaydi. Bizning mamlakatlarimiz migratsiya sohasidagi o‘zaro munosabatlarimiz uzoq va foydali bo‘lishidan manfaatdor”, — deydi Lyakin-Frolov.
Tojikiston hukumatining hisob-kitoblariga ko‘ra, mamlakatda iqtisodiy o‘sish kuzatilmoqda. Savdo va iqtisodiy rivojlanish vazirligi 2019-yil yakuni bo‘yicha mamlakatda YaIMning real o‘sishi 7,6 milliard dollarga yetayotganini ma’lum qildi.
Izoh (0)