Hindistonda avtobus ishtirokidagi YTHda 13 kishi halok bo‘ldi

Hindistonning Maxarashtra shtatida avtobus va konteynerovoz ishtirokida YTHda 13 kishi halok bo‘ldi, deb xabar bermoqda “TASS”.

Qayd etilishicha,  transportlar to‘qnashuvi 18-avgust kuni kechasi sodir bo‘lgan. Har ikkala transport haydovchilari voqea joyida halok bo‘lgan. Shuningdek, yana 11 nafar yo‘lovchi halokat qurboni bo‘lgan, jabrlanganlarning 20 nafari kasalxonaga yotqizilgan. Ularning 11 nafari og‘ir ahvolda.

Avtobusda umumiy hisobda 45 nafar yo‘lovchi bo‘lgan. Hodisa sababi hozircha noma’lum.

According to sources, the bus was carrying 45 passengers. The driver of the bus died right there on the spot. https://t.co/6FUr5e3eES pic.twitter.com/0HdA7DkSyz

— DNA (@dna) August 19, 2019

Avvalroq Turkiyada avtobus yuk mashinasi bilan to‘qnashishi oqibatida 37 kishi jabrlangani haqida xabar berilgan edi.