Samarqandda ishlab chiqarilayotgan “MALAYSIA” suxariklari talablarga javob bermasligi aniqlandi

Mamlakat hududlarida joylashgan oziq-ovqat mahsulotlari bilan savdo qiluvchi bozor va do‘konlarda Samarqand viloyati, Samarqand shahridagi “Xurramov Doston” korxonasida ishlab chiqarilgan “MALAYSIA” savdo belgisi ostidagi qotirilgan nonlar (suxarik) sotilmoqda, bu haqda “O‘zstandart” agentligi axborot agentligi “Daryo”ga ma’lum qildi.

Mazkur mahsulot tarkibi tekshirilganda uning sifat ko‘rsatgichlari bo‘lgan ta’mi va hidi hamda yorliqlanishi GOST 8494-96 standart talablariga javob bermasligi aniqlandi.

Mazkur holat yuzasidan Departament xodimlari mazkur ishlab chiqaruvchiga xalqaro standartlarni joriy etish orqali mahsulot sifatini yaxshilashi yuzasidan tavsiya berildi.