16—17-iyul kunlari Rossiyaning Samara viloyati, Sizran tumani Koshelevka qishlog‘ida 46 nafar o‘zbekistonlik zaharlanish natijasida shifoxonaga tushgan. Bu haqda Uz24 xabar qiladi.
Ma’lumotlarga ko‘ra, 60 nafar o‘zbekistonlik Koshelevka qishlog‘iga qishloq xo‘jaligi ishlariga kelgan. Ular chekkaroqda yashab, o‘zlariga ovqat tayyorlab yurishgan. Hozirda zaharlanganlarning ahvoli yengil va o‘rta og‘irlikda deb baholanmoqda.
Rossiya tergov qo‘mitasining hududiy boshqarmasi ma’lum qilishicha, o‘zbekistonlik mehnat muhojirlarining zaharlanishi yuzasidan tergovgacha tekshiruv o‘tkazilmoqda.
Hodisa tafsilotlari aniqlashtirilmoqda.
