2019-yilning 10-iyulida Toshkentda yirik xalqaro kompaniyalar mehnat xavfsizligini oshirishga va ishlab chiqarish chog‘ida jismoniy shikastlar sonini keskin kamaytirishga qaratilgan yakka tartibda himoyalanish vositalarini (keyingi o‘rinlarda – YaTHV) taqdim etdi.
Namoyish uchun namunalar qatoridan sanoat quloqchinlari, maxsus poyabzallar va terini himoyalovchi vositalar o‘rin oldi.
Mazkur namoyish himoyalanishning innovatsion vositalari Sanoat xavfsizligi markazi qoshidagi o‘quv markazida taqdim etildi. “ZM” (AQSh), SC Johnson Professional (AQSh), Ansell (Belgiya), “Liga spetsodejdi” (Rossiya) kabi yakka tartibda himoyalanish vositalarini ishlab chiqish va ishlab chiqarish sohasidagi yetakchi kompaniyalar, shuningdek O‘zbekiston Respublikasi davlat idoralarining vakillari ishtirok etdi.
O‘quv markazining faoliyati zamonaviy himoyalanish vositalarini joriy etish, mehnatni muhofaza qilish bo‘yicha xorijiy tajriba bilan mas’ul shaxslarni tanishtirish, shuningdek YaTHVning qo‘llanilishi samaradorligini oshirish hisobiga ishlab chiqarish jarohatlari miqdorini kamaytirishga yo‘naltiriladi.
“Sanoat xavfsizligi markazi qoshidagi o‘quv markaz ‘Liniya zashiti’ kompaniyalar guruhining muhim loyihalaridan biridir. Sanoat xavfsizligi markazi 11 yildan ortiq vaqt davomida yirik sanoat korxonalariga yakka tartibda himoyalanish vositalarini yetkazib berish bilan bir qatorda ularga xalqaro normalarga muvofiq korporativ standartlarni joriy etishga yordam berib kelmoqda. Bu borada markazga xorijiy hamkorlar yordam berib, ular O‘zbekiston Respublikasi Bandlik va mehnat munosabatlari vazirligi ishchi guruhi tarkibida YaTHVni ekspluatatsiya qilishning yangi texnik reglamenti ustida ish olib bormoqda. Hujjat avval hisobga olinmagan xatarlarni qamrab oladi.
Masalan, elektr toki urishi kabi xatarning normativ hujjatlarda mavjud emasligi ana shunday muammolardan biri hisoblanadi. Tegishli korxonalarning mehnatni muhofaza qilish xizmatlari xodimlarni kuchli issiqlik oqimi va kuyishlardan himoya qiluvchi maxsus kiyim bilan ta’minlay olmaydi. Eskirgan normalar va himoyalanish vositalaridan foydalanish insonlar hayoti va salomatligini xavf ostiga qo‘ymoqda, shu bilan birgalikda YaTHV yildan yilga tobora takomillashib bormoqda va yanada kuchliroq xavfsizlikni ta’minlamoqda”, — deydi Sanoat xavfsizligi markazi rahbari Alisher Tilayev.
Yakka tartibda himoyalanish vositalari bo‘yicha o‘quv markazining kurslari O‘zbekiston korxonalari va nazorat qiluvchi idoralari mutaxassislari uchun o‘tkaziladi.
“Bugun mehmonlar o‘z tajribalarida YaTHVdan foydalanish inson salomatligini saqlab qolishga qodir ekanligiga ishonch hosil qilishdi. Xalq orasida bolgarka sifatida ma’lum bo‘lgan burchak shlifovka qilish mashinkasini tez-tez ishlatish – eshitish qobiliyatining susayishiga yoki yo‘qolishiga sabab bo‘ladi, moylar, neft va boshqa zararli birikmalar teri orqali qonga kiradi va jigarni parchalaydi, hattoki juda past balandlikdan ham qulash (uch metrdan ko‘p emas) jiddiy jarohatlarga olib kelishi mumkin. Bularning baridan sanoat quloqchinlari, xavfsizlikni ta’minlash tizimlari, maxsus kostyumlar, dermatologik vositalar himoya qiladi.
Ayniqsa yuqoridagilar O‘zbekistonda kam qo‘llaniladi. Shu bilan birga Yevropa va AQShda ishga kirishishdan avval inson himoya kremini surtadi va qo‘lqoplarni kiyib, ish vaqti tugaganidan keyin tozalovchi va qayta tiklovchi kremlardan foydalanadi”, — deydi Sanoat xavfsizligi markazi rahbari Alisher Tilayev.
Shuningdek, YaTHVdan foydalanish madaniyatini singdirish o‘quv markazi faoliyatining yo‘nalishlaridan biri bo‘lib qoladi, bu o‘z beparvoligi va lozim bo‘lgan ekipirovkadan foydalanishni istamaslik sababi bo‘yicha xodim tomonidan olingan jarohatlar miqdorini kamaytirish imkonini beradi.
“Liniya zashiti” kompaniyalar guruhi haqida
“Liniya zashiti” kompaniyalar guruhi O‘zbekistonda sanoat, qishloq xo‘jaligi va boshqa turdagi korxonalarga yakka tartibda himoyalanish vositalarini yetkazib berish hamda ishlab chiqarishda mehnat xavfsizligi va unga oid muammolar hamda tahdidlarni tahlil qilish yechimlarini taqdim etuvchi yetakchilardan hisoblanadi.
“Liniya zashiti” Amerika, Yevropa va Rossiyada ko‘plab hamkorlariga egadir: 3M (himoyalanishning innovatsion vositalari — AQSh), Ansell (qo‘llarni himoyalash vositalari — Belgiya), SC Johnson Professional (yuvish va dermatologik himoya vositalari — AQSh), Honeywell (himoyalash vositalari — AQSh), “Avangard” (YaTHV — Rossiya), “Liga spetsodejdi” (gazni o‘lchash uskunalari — Rossiya), “Zashitniye resheniya” (shifokor kelgunga qadar tibbiy yordam ko‘rsatish vositalari — Rossiya).
Ushbu guruh tarkibiga 11 yildan buyon yirik sanoat korxonalariga yakka tartibda himoyalanish vositalarini yetkazib berish bilan bir qatorda ularga xalqaro normalarga muvofiq normativ hujjatlarni taqdim etish bilan shug‘ullanuvchi Sanoat xavfsizligi markazi kiradi.
Reklama huquqi asosida.
Izoh (0)