Ummonlik yozuvchi va o‘qituvchi Juxa Alhariziy ingliz tilida yozilgan eng yaxshi asar uchun beriladigan Xalqaro Buker mukofotining 2019-yilgi sohibi bo‘ldi, deb xabar berdi “Vesti.ru”.
Hakamlar hay’ati ummonlik oilaning uch avlodi haqida hikoya qiluvchi “Samoviy jismlar” kitobini mukofotga loyiq deb topgan. Juxa Alhariziyga sovrindan tashqari 50 ming funt-sterling (taxminan 64 ming dollar) miqdorida pul mukofoti ham berilgan.
Xalqaro Buker mukofoti 2004-yilda ta’sis etilgan va 2016-yilgacha ikki yilda bir marta o‘tkazilgan. Shundan so‘ng u har yili o‘tkazilib kelinmoqda.
Mukofotni qo‘lga kiritish imkoniyati dunyodagi barcha mamlakatlar yozuvchi-shoirlariga berilgan. Buning uchun faqat ularning asarlari ingliz tiliga tarjima qilingan yoki Buyuk Britaniyada nashr etilgan bo‘lishi kerak.
Izoh (0)