Avstraliyada noyob va ajoyib hayvonlar ko‘p. Endi esa ertaknamo afsonaviy yakkashox ham paydo bo‘ldi. Bu haqda Travel Ask xabar berdi.
Avstraliyalik Maykl Foster ko‘p yillardan beri fermerlarga hayvon olib-sotishda yordam beradi. Lekin u yakkashox qo‘yni birinchi marta ko‘rdi. Egasi qo‘yni tez orada so‘ymoqchi ekanini aytgan, ammo Maykl qo‘yga achingani uchun uni o‘ziga olgan.
Agar qo‘yga yaxshilab e’tibor berilsa, uning ikkinchi shoxi ham borligini ko‘rish mumkin. Shunchaki u o‘smay qolgan. Ammo birinchi shox boshining o‘rtasidan o‘sib chiqqan.
Maykl o‘zi bilan olib ketgan qo‘yni haqiqiy yulduzga aylantirmoqchi: uni ko‘rgazmalarda namoyish qilmoqchi. Hozircha esa ushbu afsonaviy hayvon mahalliy xalq orasida shuhrat qozondi.
