Samarqand shahrida “Islom Karimov — davlat mustaqilligining asoschisi” mavzusida respublika ilmiy anjumani boshlandi. Bu haqda Zarnews xabar bermoqda.
Mazkur tadbirda ishtirok etish uchun Samarqandga Islom Karimov nomidagi ilmiy-ma’rifiy yodgorlik majmuasi va respublika xayriya jamoat fondi mas’ul xodimlari, vazirlik va idoralar, nodavlat-notijorat tashkilotlar vakillari, taniqli olimlar keldi.
Anjuman qatnashchilari Islom Karimov maqbara majmuasi va haykalini ziyorat qilib, Birinchi Prezident xotirasiga hurmat bajo keltirdi.
Samarqand davlat universitetida Islom Karimov hayoti va faoliyatiga bag‘ishlangan fotoasarlar ko‘rgazmasi ochildi.
Anjumanning asosiy tadbirlari 30-aprelga mo‘ljallangan.
Izoh (0)