18-aprel, payshanba kuni futbol bo‘yicha Yevropa Ligasi 1/4 finalining javob uchrashuvida “Arsenal” safarda “Napoli”ni yengdi (1:0, ilk uchrashuv — 2:0).
Londonliklar ketma-ket ikki mavsumdan buyon ushbu musobaqaning yarim finaliga yo‘l oldi. O‘tgan mavsumda “to‘pchilar” yarim finalda Madridning “Atletiko” jamoasiga imkoniyatni boy bergandi (1:1, 0:1).
Shu tariqa “Arsenal” 24 yil ichida ilk marta ketma-ket 2 ta mavsumdan buyon Yevrokuboklar finaliga chiqdi.
Ma’lumot uchun, 1993/94-yilgi mavsumda “kanonirlar” Kubok egalari kubogining finalida “Parma”dan ustun kelgan bo‘lsa (1:0), 1994/95-yilgi mavsumda esa “Saragosa”ga imkoniyatni boy bergandi (1:2).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!