O‘zbekistonlik Madina Rashidova “Pesni” loyihasida Timatining qo‘shig‘ini yangicha talqinda taqdim etdi (video)

Toshkentlik Madina Rashidova TNT kanalining “Pesni” loyihasi yangi mavsumi kastingida ishtirok etdi. Bu haqda Repost xabar bermoqda.

Loyihadagi ilk ishtiroki uchun o‘zbekistonlik qiz Timatining “Kogda ti ryadom” nomli mashhur qo‘shig‘ini tanladi. Faqat undagi so‘zlarni o‘zgartirgan holda.

Hakamlar qatorida o‘tirgan Timatiga hazilomuz ohangdagi yangicha talqin ma’qul bo‘lganini sezish qiyin emasdi.

Ma’lumot uchun, ushbu tanlovning birinchi mavsumida o‘zbekistonlik Oleg Ternovoy g‘olib bo‘lgan va 5 million rubl hamda Black Star leybli bilan shartnoma huquqini qo‘lga kiritgandi.