Afrika janubida brakonyerlar 87 ta filni otib o‘ldirdi

Botsvanada brakonyerlar 87 ta filni otib o‘ldirdi, deb xabar beradi BBC News.

Fillarning aksariyati so‘nggi uch oy ichida o‘ldirilgan. Jonivorlar tishi uchun otib tashlangan.

Bundan tashqari, beshta oq karkidon ham o‘g‘irlangan.

“Men hayratdaman. Bu Afrikada men ko‘rgan eng yirik ko‘lamdagi brakonyerlik hisoblanadi”,— deydi “Chegarasiz fillar” tashkiloti xodimi Mayk Cheyz.

Fillarning ommaviy o‘ldirilishi “kechiktirib bo‘lmaydigan chora-tadbirlarni ko‘rish talab qilinishini bildiradi” deydi yovvoyi tabiat himoyachilari.