O‘zbekistonda 9-kumush medal! Akademik eshkak eshuvchilar finalda marraga ikkinchi bo‘lib keldi (foto)

Bugun, 24-avgust sanasida Indoneziyaning Palembang shahrida akademik eshkak eshish bo‘yicha musobaqalar davom etmoqda.

O‘zbekiston terma jamoasiga navbatdagi medalni 8 kishilik qayiqda o‘tkazilgan final bellashuvida marraga ikkinchi bo‘lib yetib kelgan sportchilar jamoasi — Alisher Yarov, Dostonjon Baxriyev, Islam Mambetnazarov, Dostonjon Xursanov, Shohjahon Najmiyev, Otamurod Raximov, Shehroz Xakimov, Zafar Usmonov, Anatoliy Krasnov olib keldi.

Shu tariqa O‘zbekiston hisobidagi kumush medallar soni 9 taga yetdi.