Rossiyaning NordStar aviakompaniyasi O‘zbekistonga parvozlarni boshlaydi

Rossiyaning Nordstar aviakompaniyasi O‘zbekistonga parvozlarni boshlaydi, deb yozadi “Spot”.

Kompaniya may oyidan oktabrga qadar Qarshi va Moskva o‘rtasida uchishni rejalashtirayotganligini tasdiqladi.

Bunga O‘zbekiston va Rossiya mamlakatlar o‘rtasidagi reyslarni keskin oshirishga kelishganligi sabab bo‘ldi.

Reyslar payshanba kunlari Boeing 737-800 samolyotlarida amalga oshirilishi kutilmoqda.

Samolyotlar kechqurun Moskvaning “Domodedovo” aeroportidan parvoz qilib, Qarshiga erta tongda yetib keladi. Chiptalar narxi hozircha ma’lum qilinmadi.

O‘zbekiston aviakompaniya yo‘nalishlari xaritasidagi birinchi Markaziy Osiyo mamlakati bo‘ldi.