O‘FF majlislar zalida 11-oktabr kuni yig‘ilish bo‘lib o‘tdi. U O‘zbekiston futbolini qo‘llab-quvvatlash fondiga yangi rahbar tayinlanishi bilan yakuniga yetdi. Bu haqda O‘FF matbuot xizmati xabar berdi.
Shu kungacha fond ijrochi direktori bo‘lib kelgan Furqat Sharipov o‘z vazifasidan ozod etildi. Uning o‘rniga 31 yoshli Shuhrat Saydaliyev yangi ijrochi direktor etib tayinlandi.
1986-yilda tavallud topgan Shuhrat Saydaliyev bungacha Milliy Olimpiya Qo‘mitasida faoliyat olib borgan. Aynan qaysi lavozimda ekani aytilmagan. Shuningdek, Saydaliyev bank sohasida turli lavozimlarda ishlagan. Aynan qaysi bankda qanday vazifani bajarganiga oydinlik kiritilmagan.
Yangi ijrochi direktorning ma’lumoti oliy. U Toshkent avtomobil yo‘llari institutining moliya fakultetini tamomlagan.
O‘FF prezidenti etib saylangan Umid Ahmadjonov o‘z vaqtida Paralimpiya Assotsiatsiyasida faoliyat borgan. Shuningdek, Farhod Magomedov o‘rniga PFL direktori etib tayinlangan Omon G‘ofurovning faoliyati ham shu tashkilotlarda o‘tgan.
Izoh (0)