Chilonzor tumanida o‘tkazilayotgan “Tozalash-Antiterror” tadbiri davomida Chilonzor tuman IIB profilaktika inspektorlari tomonidan Bunyodkor shoh ko‘chasida joylashgan “Chilonzor” buyum bozori oldida tanishini urib, tan jarohati yetkazgan shaxs qo‘lga olindi. Bu haqda IIV Huquqbuzarliklar profilaktikasi bosh boshqarmasi “Daryo”ga ma’lum qildi.
Chilonzor tumanida 7-avgust soat 00:10 larda Bunyodkor shoh ko‘chasida joylashgan “Chilonzor” buyum bozori oldida, 1975-yilda tug‘ilgan, hech qayerda ishlamaydigan, Bektemir tumanida yashovchi fuqaro N.A. o‘zaro janjal oqibatida 1982-yilda tug‘ilgan tanishi K.A.ni urib, tan jarohati yetkazganligi aniqlanib qo‘lga olindi.
Chilonzor tuman IIB tomonidan fuqaro N.A. ga nisbatan O‘zbekiston Respublikasi Jinoyat Kodeksining 109-modda 1-qismi bilan jinoyat ishi qo‘zg‘atildi.
Izoh (0)