AQSh va Koreya Respublikasi Harbiy-havo kuchlari birgalikda Guam orolida joylashgan Amerikaning ikkita B-1B Lancer strategik qiruvchisi ishtirokida qo‘shma o‘quv mashg‘ulotini o‘tkazdi. Bu haqda Yonhap agentligiga tayanib, “TASS” xabar berdi.
O‘quv mashg‘uloti Koreya Respublikasining Kanvondo provinsiyasidagi poligonda bo‘lib o‘tgan. Shuningdek, mashg‘ulotda koreyslarning F-15K va F-16 qiruvchilari ham harakatga keltirilgan. Harakat ssenariysiga ko‘ra, uchuvchilar KXDRning asosiy obyektlariga zarbalar berishni mashq qildi. Koreya Respublikasi Harbiy-havo kuchlari qo‘mondonligining ta’kidlashicha, mashg‘ulot jarayonlari Pxenyanning raketa sinoviga javob hisoblanadi.
4-iyul, seshanba kuni KXDR markaziy televideniyesi birinchi mintaqalararo “Xvason-14” ballistik raketasining sinovi muvaffaqiyatli o‘tganini ma’lum qildi. 5-iyul kuni esa BMT Xavfsizlik kengashi Koreya yarim orolidagi vaziyat yuzasida favqulodda yig‘ilish o‘tkazgan edi. Unda AQShning BMTdagi doimiy vakili Nikki Xeyli Pxenyanga qarshi kuch ishlatish borasida tahdid qilgan, shuningdek, mamlakatga qarshi sanksiyalar bo‘yicha rezolyutsiya tayyorlanishi haqida xabar bergandi.
Izoh (0)