Rossiya Shimoliy flotining “Yuriy Dolgorukiy” suvosti kreyseri “Bulava” qit’alararo ballistik raketasini muvaffaqiyatli uchirdi. Bu haqda “RIA Novosti” xabar bermoqda.
Raketa, jangovar tayyorgarlik rejasiga muvofiq, suvosti holatida Barens dengizidan Kamchatkadagi Kura poligoniga qarata uchirildi.
Uning parvoz trayektoriyasi parametrlari belgilangan tartibda amalga oshirildi. Raketa poligondagi nishonga muvaffaqiyatli tarzda borib yetdi.
Ma’lumot uchun, “Yuriy Dolgorukiy” kreyseri mansub bo‘lgan “Borey” loyihasi kemalari 16 tagacha “Bulava-30” raketasini eltishga qodir.