Toshkentda va hududlarda gaz ta’minoti obyektlarining bir qismi gaz taqsimlash tarmoqlaridan foydalanish va tabiiy gazni sotish uchun xususiy operatorlarning vakolatli boshqaruviga o‘tkaziladi. Bu Prezidentning 20-apreldagi qarorida ko‘zda tutilgan, deb yozadi “Gazeta.uz”.
Sinov loyihasi doirasida Toshkentda xususiy operatorga Bektemir tumanining “Bektemirtumangaz” tuman ekspluatatsiya xizmati obyektlarini o‘tkazish rejalashtirilmoqda. Qoraqalpog‘istonda “Kegeylitumangaz”, Andijon viloyatida “Shahrixontumangaz”, Buxoroda — “Kogontumangaz”, Jizzaxda — “Zomintumangaz”, Qashqadaryoda — “Qarshitumangaz”, Navoiyda — “Qiziltepatumangaz”, “Namanganda — “Namangantumangaz”, Samarqandda — “Narpaytumangaz”, Surxondaryoda — “Jarqo‘rg‘ontumangaz”, Sirdaryoda — “Yangiyershahargaz”, Toshkentda — “Yangiyo‘ltumangaz”, Farg‘onada — “Oltiariqtumangaz” va Xorazm viloyatida esa “Yangiariqtumangaz” filiali obyektlari vakolatli boshqaruvga o‘tadi.
Vakolatli boshqaruv 1-iyundan joriy etilishi rejalashtirilmoqda. Xususiy operatorlar tanlov bo‘yicha saralab olinadi. Ular uchun gaz savdosi hajmining 21 foizidan ko‘p bo‘lmagan komissiya mukofoti ko‘zda tutilgan.
Izoh (0)