Ozaybayjon prezidenti Ilhom Aliyev o‘z xotini Mehribon Aliyevani Ozarbayjon birinchi vitse-prezidenti lavozimiga tayinladi. Bu haqdagi qaror mamlakat rahbari saytida 21-fevral, seshanba kuni e’lon qilindi, deya xabar bermoqda “Interfaks”.
Ozarbayjonda 2016-yil sentabr oyida konstitutsiyaga o‘zgartirish kiritish bo‘yicha referendum o‘tkazilgan edi. Unda jami 29 ta o‘zgartirish amalga oshirildi. O‘zgarishlar orasida Ozarbayjon birinchi vitse-prezidenti va vitse-prezident lavozimlarini joriy etish ko‘zda tutilgandi.
Bundan tashqari, prezidentlik muddati 5 yildan 7 yilgacha uzaytirildi. Prezidentlikka da’vogarlarga esa yosh chegarasi bekor qilindi.
Qayd etish joiz, bugungi kunga qadar Ozarbayjon birinchi vitse-prezidenti lavozimi vakant bo‘lib turgandi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)