16-fevral, payshanba kuni Pokiston janubidagi Sind provinsiyasining Sexvan shahrida joylashgan so‘fiylar masjidida yuz bergan terakt qurbonlari soni 74 kishiga yetdi, yana 300 dan ziyod kishi jarohatlar oldi, deb yozadi “TASS” mahalliy GEO-TV telekanaliga tayanib.

Portlash kechki payt, La’l Shahboz Qalandar maqbarasida ko‘plab taqvodorlar so‘fiylik odatlari amalga oshirilayotgan vaqtda sodir bo‘lgan.

Guvohlar so‘zlariga ko‘ra, xudkush terrorchi taqvodorlar olomoni ichiga granatani uloqtirishga uringan, ammo bu muvaffaqiyatsiz yakunlangan. Shundan so‘ng u o‘zini portlatib yuborgan. Terrorchi qo‘llagan qo‘lbola bombada qariyb 8 kg dinamit bo‘lgan, shuningdek, jarohatlovchi elementlar sifatida gaykali boltlar ishlatilgan.