Tailandning uchta janubiy provinsiyasida 4-noyabrga o‘tar kechasi ayirmachilarning portlatish, yondirish va otishmali hujumlari seriyasi oqibatida 3 kishi halok bo‘ldi. Bu haqda “TASS” xabar bermoqda.
Xabarda qayd etilishicha, Songkxla, Pattani va Naratxivat provinsiyalarida tun davomida kamida 12 ta jangovor hodisa qayd etildi.
Songkxla provinsiyasida noma’lum kimsalar avtomobil sotish do‘konida ikki nafar qo‘riqchini otib o‘ldirdi va portlovchi qurilmani portlatdi. Yana bir kishi Pattani provinsiyasida, qurollangan kishilarning hukumat qo‘shinlariga qarata o‘q uzishi oqibatida halok bo‘ldi.
Ta’kidlanishicha, zo‘ravonlikning avj olishi ayirmachilarning mahalliy hukumatning tinchlik muzokaralarini o‘tkazishga javobi bo‘lishi mumkin.
Izoh (0)