1-noyabr kuni Moskva hokimiyati Prezidiumi Yakimanka tumanidagi xiyobonga O‘zbekistonning Birinchi Prezidenti Islom Karimov nomini berish to‘g‘risida qaror qabul qildi. Bu haqda UzDaily xabar bermoqda.
Xiyobon O‘zbekiston konsullik bo‘limi va mehmon qabul qilish uyiga yaqin joylashgan.
“Rossiya prezidenti topshirig‘i bilan Islom Karimovning nomini abadiylashtirish maqsadida O‘zbekiston konsulligiga yaqin joylashgan xiyobonga O‘zbekistonning Birinchi Prezidenti nomini berish taklif qilinmoqda”, — dedi Moskva meri Sergey Sobyanin.
Konsulxona yaqinidagi nomsiz xiyobonga Islom Karimov nomini berishni so‘rab shahar rahbariyatiga Rossiya va O‘zbekiston fan, siyosat va san’at arboblari murojaat qildi.
Avvalroq Rossiya poytaxti Moskvada O‘zbekistonning Birinchi Prezidenti Islom Karimovga haykal o‘rnatish masalasi shahar dumasi huzuridagi monumental san’at komissiyasining 8-dekabrdagi yig‘ilishida ko‘rib chiqilishi xabar berilgan edi.
Izoh (0)