O‘zbekiston Respublikasi Vazirlar Mahkamasining 27-oktabrdagi 366-sonli qarorida belgilangan topshiriqlarni amalga oshirish, Respublikada ishlab chiqarilayotgan avtomobillarni sotish va ularga xizmat ko‘rsatish masalalariga bog‘liq bo‘lgan fuqarolar murojaatlari bilan ishlash tizimini takomillashtirish maqsadida “O‘zavtosanoat” AK tizimi korxonalari rahbarlari va mutaxassislaridan iborat maxsus ishchi guruh tuzildi. Bu haqda “O‘zavtosanoat” rasmiy sayti xabar berdi.
“O‘zavtosanoat” AK boshqaruv raisi o‘rinbosari Qobiljon Odilovich Azimov boshchiligidagi ushbu ishchi guruhga fuqarolarni qabul qilish va ular tomonidan ko‘tarilayotgan masalalarni obyektiv ko‘rib chiqish va asosli ravishda ijobiy hal qilish vazifasi yuklatilgan.
Fuqarolarni qabul qilish har kuni soat 8:00 dan 11:00 gacha “O‘zavtosanoat” AK binosining 118-xonasida va GM Uzbekistan AJ binosining 107-xonasida amalga oshirilmoqda.
Shuningdek, avtomobil savdosiga tegishli bo‘lgan barcha masalalar yuzasidan bevosita diler korxonalariga yoki GM Uzbekistan AJning “Mijozlarni qo‘llab-quvvatlash markazi” (Call-Center) orqali murojaat etishingiz mumkin.
Fuqarolar murojaatlari, ular qaysi vositalar orqali yetkazilganligidan qat’i nazar, O‘zbekiston Respublikasi Bosh Vazirining Virtual qabulxonasi apparatiga hisobot tariqasida muntazam ravishda yetkaziladi va har bir murojaat yuzasidan amalga oshirilgan choralar haqida ma’lumot beriladi.
Murojaatingiz tezkor ravishda va bevosita ijrochi tashkilot tomonidan ko‘rib chiqilishini ta’minlash maqsadida, o‘z murojaatingizni “O‘zavtosanoat” AK ishchi guruhiga, yoki sizga yaqin bo‘lgan dilerlik tashkilotiga, hamda “Mijozlarni qo‘llab-quvvatlash markazi” raqamlariga qo‘ng‘iroq qilish orqali bildirishingiz mumkin.
“O‘z tomonimizdan, biz sizning murojaatingizni rasmiy hujjatlashtirib, eng tez fursatda va sizga qulay bo‘lgan uslubda ko‘rib chiqilishini kafolatlaymiz”, — deyiladi xabarda.
“O‘zavtosanoat” bilan bog‘lanish yo‘llari:
1. “O‘zavtosanoat” AK fukarolar murojaatlarini ko‘rib chiquvchi maxsus ishchi guruhi:
Azimov Qobil Odilovich“O‘zavtosanoat” AK boshqaruv raisi o‘rinbosari, Ishchi guruh raisi+998 71 140 76 50 3 2004# (qabulxona)kazimov@uzavtosanoat.uz
2. Tashrif uchun:“O‘zavtosanoat” AKToshkent shahri, A.Temur, 13-uy, 118-xonaTel.: +998 71 140 76 50Elektron manzil: info@uzavtosanoat.uz
GM Uzbekistan AJToshkent, Nukus ko‘chasi, 8-uy, 107-xonaTel.: +998 71 140 55 40Elektron pochta: gmuzbekistan@uzgm.uz
SamAvto MChJToshkent, Nukus ko‘chasi, 8-uy, 107-xonaTel: +998 71 140 64 64Elektron manzil: info@samauto.uz
JV MAN AUTO Uzbekistan MChJToshkent, M.Ulug‘bek, 30-uy, 105-xonaTel: +998 71 148 80 80Elektron manzil: info@man-mn.uz
3. “Mijozlarni qo‘llab-quvvatlash markazi” (Call-Center)Tel.: +998 71 141 76 66
Izoh (0)