Turkiya janubi-sharqidagi Xakkari provinsiyasining Yuksekova shaharida to‘rt kishi halok bo‘ldi va ikki kishi yaralandi. Politsiya avtomobili xatolik tufayli olomonni o‘qqa tutdi, deb yozadi “TASS” Turkiyaning Hurriyet Daily News gazetasiga tayanib.
“Biz tepkini bosmadik, qurol o‘z-o‘zidan ishlab ketdi”, — dedi hodisa chog‘ida avtomobil ichida bo‘lgan politsiya zobitlari. Gazeta ma’lumotlariga ko‘ra, voqea joyi qurshab olindi, hodisa ishtirokchilari hibsda saqlanmoqda.
Xakkari provinsiyasi gubernatori vakili hodisa yuzasidan tekshiruv olib borilayotganini ma’lum qildi.
Izoh (0)