Rossiyada yo‘lovchi poyezdi yengil avtomobil bilan to‘qnashib ketdi

Rossiyaning “Aleksandrov — Balakirevo” stansiyalari oralig‘idagi hududda “Moskva — Yaroslavl” yo‘lovchi poyezdi yengil avtomobil bilan to‘qnashib ketdi. Bu haqda “RBK” xabar bermoqda.

Avtomobil haydovchisi tirik qoldi. U bosh jarohati bilan shifoxonaga yotqizilgan.

Hodisa 29-sentabr, payshanba kuni sodir bo‘ldi. Temiryo‘l kesishmasidan o‘tmoqchi bo‘lgan haydovchi yo‘l harakati qoidalarini buzgan. Poyezd yaqin masofada kelayotgangani sabab favqulodda to‘xtashga ulgurmagan.

Xabarda qayd etilishicha, poyezdga zarar yetgan. Lokomotivni uch soatdan keyin almashtirishga erishildi. Hodisa oqibatida avariyaga uchragan poyezd ortidan kelayotgan “Aleksandrov — Yaroslavl” poyezdining harakati to‘xtatildi.