Isroil bosh vaziri Binyamin Netanyaxu Falastin yetakchisi Mahmud Abbosning Isroilning sobiq prezidenti, marhum Shimon Peres dafn marosimida ishtirok etish bo‘yicha kiritgan so‘rovini qanoatlantirdi. Bu haqda “TASS” xabar bermoqda.
“Abbosning sobiq prezident Shimon Peres dafn marosimida ishtirok etish bo‘yicha so‘rovi Netanyaxu tomonidan qanoatlantirildi”, — ma’lum qildi Haaretz nashri.
Ilgariroq Abbos bu boradagi so‘rovni Isroil hukumatining Falastin hududidagi xatti-harakatlari koordinatori general-mayor Yoav Mordexayga yo‘llagani ma’lum qilingan edi.
Abbosga Falastin kontrrazvedkasi rahbari Majid Faraj, Falastinni ozod qilish tashkiloti bosh kotibi Sohib Erekat hamda Falastin ma’muriyatining fuqarolik ishlari bo‘yicha vaziri Husayn al-Shayx hamrohlik qilishi kutilmoqda.
