Angliyaning “Manchester Yunayted” jamoasi hujumchisi Zlatan Ibrahimovich Google qidiruv tizimi haqida ma’lumotni olish mumkin bo‘lgan 120 mamlakatdan 36 tasida eng mashhuri ekani hamda o‘zbekistonliklar tomonidan Google’da eng ko‘p qidirilgan APL futbolchisi bo‘lgani ma’lum bo‘ldi. Bu haqda “iSport.ua” xabar bermoqda.
34 yoshli shvetsiyalik futbolchiga asosan Rossiya, Ukraina, Skandinaviya davlatlari, Osiyo, shu jumladan, O‘zbekiston va Yaqin Sharq mamlakatlari ko‘proq qiziqqani xabar qilinmoqda. Shuningdek, Zlatan Fransiyada ham eng ko‘p qidirilgan APL futbolchisi bo‘lib, ushbu ko‘rsatkich bo‘yicha mamlakat terma jamoasi a’zosi, klubdoshi Pol Pogbani ortda qoldirdi.
Dunyoning eng qimmat futbolchisi bo‘lgan “MYu”ning boshqa bir futbolchisi Pol Pogba 29 mamlakatda eng mashhuri bo‘ldi. Ular orasida Avstraliya, Kanada va Afrikaning ko‘plab davlatlari bor.
Buyuk Britaniyada Jeymi Vardi Google’da eng ko‘p qidirilgan APL futbolchisi sifatida qayd etildi.
Izoh (0)