Rossiya og‘ir atletika terma jamoasi Rio–2016 Olimpiada o‘yinlaridan chetlatildi

Og‘ir atletika bo‘yicha Rossiya terma jamoasi Rio–2016 Olimpiada o‘yinlaridan chetlashtirildi. Bu haqda Xalqaro og‘ir atletika federatsiyasi (IWF) o‘z saytida ma’lum qildi, deb xabar bermoqda “Gazeta.ru”.

Rio–2016 Olimpiada o‘yinlarida 8 nafar rossiyalik og‘ir atletikachi ishtirok etishi kerak edi. Rossiyalik ayol og‘ir atletikachilarning yo‘llanmalari Albaniya, Gruziya va Moldaviya vakillariga beriladi. Erkaklarning kvotasi esa Belgiya, Xorvatiya, Salvador, Mo‘g‘uliston va Serbiya vakillariga tarqatiladi.

• To‘rt nafar rossiyalik og‘ir atletikachining London–2012 Olimpiadasidagi doping namunalari ijobiy chiqdi

Xalqaro og‘ir atletika federatsiyasi Richard Maklaren boshchiligidagi Butunjahon antidoping agentligi (WADA)ning mustaqil komissiyasi hisobotini diqqat bilan o‘rganib, Xalqaro olimpiya qo‘mitasining qarorini, shuningdek, 2008 va 2012-yilgi Olimpiada o‘yinlarining doping-namunalarni qayta tekshirish natijalarini inobatga olgan holda Rossiya og‘ir atletika federatsiyasini Rio–2016 dan chetlashtirishga qaror qildi.

• Times: XOQ yangi qayta tekshiruvdan so‘ng rossiyalik sportchilarning doping namunalari ijobiy chiqqanini aniqladi

Xalqaro og‘ir atletika qayta tekshiruvdan so‘ng kamida yetti nafar rossiyalik sportchining doping-namunasi ijobiy natija berganini hamda sportchilarning soni yakuniy emasligini tasdiqladi.